’آپ نے ہمیں رشتوں کی اہمیت بتادی‘

لاہور: برطانوی شہزادہ ولیم کی اہلیہ شہزادی کیٹ مڈلٹن پاکستانی خاندانی نظام کی پرستار ہوگئیں۔

تفصیلات کے مطابق برطانوی شہزادی کیٹ مڈلٹن نے ایس او ایس ولیج میں تقریب سے خطاب کرتے ہوئے کہا کہ خاندان کیا ہوتا ہے آپ نے یاد دلادیا۔

شہزادی کیٹ نے کہا کہ ہم نے دیکھا کہ خاندان آپ کے کلچر میں دل کی حیثیت رکھتا ہے، والدین، بچے، خالہ، چاچا، دادا، دادی سب اہمیت رکھتے ہیں۔

کیٹ مڈلٹن نے کہا کہ آپ نے ہمیں سکھایا یہ صرف خونی رشتوں کا معاملہ نہیں ہے، یہ وہ خاص رشتے ہیں جو ہمیں محفوظ اور مضبوط بناتے ہیں۔

مزید پڑھیں: بادشاہی مسجد کا دورہ ، شہزادی کیٹ نے احترام میں سرڈھانپ لیا

انہوں نے کہا کہ یہ ان رشتوں کا معیار ہے جو اہمیت رکھتے ہیں۔

شہزادی کیٹ نے 3 یتیم بچوں کی سالگرہ کا کیک بھی کاٹا اور اردو زبان میں کہا کہ ’آپ سب کا بہت بہت شکریہ، سالگرہ مبارک ہو۔‘

واضح رہے کہ اس سے قبل برطانوی شاہی جوڑے کی بادشاہی مسجد آمد پر امام مولانا عبدالخبیر آزاد نے معزز مہمانوں کااستقبال کیا تھا، شہزادی کیٹ نے مسجد کے احترام میں اپنا سرڈھانپ لیا تھا۔

اس موقع پر شہزادی کیٹ مڈلٹن نے سبز رنگ کا لباس زیب تن کیا اور برطانوی شاہی جوڑےنےبادشاہی مسجدکے مختلف حصوں کا بھی جائزہ لیا۔

Leave A Reply

Your email address will not be published.