دوسرا ون ڈے: بابر کی شاندار سنچری ، پاکستان کا سری لنکا کو 306 رنز کا ہدف

تین ایک روزہ میچوں کی سیریز کے دوسرے میچ میں پاکستان نے سری لنکا کو 306 رنز کا ہدف دے دیا۔

پاکستان نے مقررہ 50 اوورز میں 7 وکٹوں کے نقصان پر 305 رنز بنائے، بابر اعظم 115 اور فخر زمان 54 رنز بناکر نمایاں رہے۔

کراچی کے نیشنل اسٹیڈیم میں کھیلے جا رہے میچ میں قومی ٹیم کے کپتان سرفراز احمد نے ٹاس جیت کر پہلے بیٹنگ کا فیصلہ کیا۔ 

فوٹو: جیو نیوز

پاکستان کی اننگز

پاکستان کی جانب سے فخر زمان اور امام الحق نے اننگز کا آغاز کیا۔ پاکستان کو پہلا نقصان 73 کے مجموعی اسکور پر اس وقت ہوا جب امام الحق 31 رنز بناکر ایل بی ڈبلیو ہوگئے۔

104 کے مجموعی اسکور پر پاکستان کی دوسری وکٹ گری اور فخر زمان 54 رنز بناکر آؤٹ ہوگئے۔

تیسری وکٹ پر بابر اعظم اور حارث سہیل کے درمیان 111 رنز کی شراکت داری قائم ہوئی تاہم حارث سہیل 40 رنز بناکر رن آؤٹ ہوگئے۔

بابر اعظم نے اپنے ون ڈے کیریئر کی 11 ویں سنچری مکمل کی۔ 242 کے مجموعی اسکور پر کپتان سرفراز احمد 12 گیندوں پر 8 رنز بناکر رن آؤٹ ہوگئے۔

<blockquote class=”twitter-tweet”><p lang=”en” dir=”ltr”>Sri Lanka reach 125/5<br><br>Pakistan bolwers look for a breakthrough! <a href=”https://twitter.com/hashtag/PAKvSL?src=hash&amp;ref_src=twsrc%5Etfw”>#PAKvSL</a> LIVE ▶️ <a href=”https://t.co/NUmyIsxcqo”>https://t.co/NUmyIsxcqo</a> | <a href=”https://twitter.com/TheRealPCB_Live?ref_src=twsrc%5Etfw”>@TheRealPCB_Live</a> <a href=”https://t.co/7WYIuETiot”>pic.twitter.com/7WYIuETiot</a></p>&mdash; Pakistan Cricket (@TheRealPCB) <a href=”https://twitter.com/TheRealPCB/status/1178705567973548032?ref_src=twsrc%5Etfw”>September 30, 2019</a></blockquote> <script async data-src=”https://platform.twitter.com/widgets.js” charset=”utf-8″></script>

اس کے بعد بابر اعظم بھی 115 رنز بناکر پویلین لوٹ گئے، انہوں نے 105 گیندوں پر 8 چوکے اور 4 چھکے لگائے۔

افتخار احمد نے 20 گیندوں پر 32 رنز کی طوفانی اننگز کھیلی اور ناٹ آؤٹ رہے جبکہ عماد وسیم 12 اور وہاب ریاض 2 رنز بناکر آؤٹ ہوئے۔

یوں پاکستان نے 7 وکٹوں پر 305 رنز بنائے۔ سری لنکا کی جانب سے ونندو ڈی سلوا نے دو کھلاڑیوں کو آؤٹ کیا۔

قومی ٹیم کپتان سرفراز احمد، فخر زمان، امام الحق بابر اعظم، حارث سہیل، افتخار احمد، عماد وسیم، وہاب ریاض، وہاب ریاض، شاداب خان اور عثمان شنواری پر مشتمل ہے۔

یاد رہے کہ پاکستان اور سری لنکا کے درمیان پہلا ون ڈے بارش کے باعث منسوخ ہو گیا تھا۔

Leave A Reply

Your email address will not be published.