’اقوام متحدہ میں عمران خان کی تقریر 1992ورلڈکپ کی طرح ہمیشہ یاد رہے گی‘

اقوام متحدہ میں وزیراعظم عمران خان کی تقریر کو نہ صرف سیاست دانوں اور بین الاقوامی ماہرین کی جانب سے پذیرائی ملی بلکہ قومی کرکٹ ٹیم کے سابق اور موجودہ کھلاڑی بھی اس تقریر کے معترف ہوگئے۔

سماجی رابطے کی ویب سائٹ ٹوئٹر پر کرکٹرز نے سابق چیمپئن کپتان کی عالمی فورم پر کی جانے والی اس تقریر کو تاریخی قرار دیا۔

خیال رہے کہ ایک روز قبل وزیراعظم عمران خان نے اقوام متحدہ کی جنرل اسمبلی سے خطاب کے دوران عالمی برادری کو کشمیریوں کو حق خود ارادیت دلانے کے لیے بھرپور کردار ادا کرنے کا مطالبہ کرتے ہوئے خبردار کیا تھا کہ اگر بھارت نے کچھ غلط کیا تو ہم آخر دم تک لڑیں گے اور اس کے نتائج سوچ سے کہیں زیادہ خطرناک ہوں گے۔

اسی خطاب کے دوران انہوں نے ناموس رسالت ﷺ کے معاملے کو دنیا کے سامنے اجاگر کیا اور انہیں باور کروایا کہ پیغمبر اسلام ﷺ کی توہین کی وجہ سے پوری دنیا کے مسلمانوں کی دل آزاری ہوتی ہے لہٰذا اس کی روک تھام کے لیے اقدامات اٹھائے جائیں۔

سماجی رابطے کی ویب سائٹ ٹوئٹر پر سابق کپتان اور عمران خان کی قیادت میں کرکٹ ورلڈکپ 1992 کی چیمپئن ٹیم کا اہم حصہ رہنے والے وسیم اکرم نے کہا کہ مجھے ایسا محسوس ہورہا ہے کہ ہماری صحیح آواز کے ساتھ نمائندگی ہورہی ہے۔

انہوں نے مزید کہا کہ اب دنیا دیکھ سکتی ہے کہ ہم کیا ہیں اور کس کے لیے کھڑے ہیں۔

I feel like we are being represented with the true voice of Pakistan and now the world can finally see who we are and what we stand for #ThankYouSkipper #ImranKhan #NayaPakistan #PakistanStandsUp— Wasim Akram (@wasimakramlive) September 27, 2019

پاکستان کی 1992 کی چیمپئن ٹیم کے ایک اور رکن رمیز راجا نے ٹوئٹر پر اپنے پیغام میں کہا کہ اقوام متحدہ کی جنرل اسمبلی کے اجلاس میں وزیراعظم عمران خان کے خطاب کو سننے کے لیے میں اپنی کرسی پر بیٹھا ہوں۔

انہوں نے مزید کہا کہ پاکستان کی اس سے اچھی نمائندگی نہیں ہوسکتی تھی، عمران خان نے اپنا کردار اعزاز کے ساتھ ادا کیا، وہ ایک ٹائیگر ہیں۔

Got my cuppa, I am settled in the couch to listen to mighty Imran Khan at UN. Pakistan couldn’t have had a better representation. A complete honour to have played with him. He is a tiger!— Ramiz Raja (@iramizraja) September 27, 2019

سابق کپتان شاہد آفریدی نے اپنے پیغام میں کہا کہ انہیں وزیراعظم عمران خان کی اقوام متحدہ میں تقریر کا شدت سے انتظار تھا۔

ان کا مزید کہنا تھا کہ ہمارے توسط سے دل و جان اور عزت و وقار کے ساتھ بات کرنے اور فرنٹ سے لیڈ کرنے پر ہمیں وزیراعظم پر فخر ہے۔

شاہد آفریدی نے کہا کہ سچ بولنا اور اس سچ کو انسانیت کے حوالے سے مظالم پر غالب آتے دیکھنا خوش آئند ہے۔

Eagerly awaiting @ImranKhanPTI’s address at #UNGA. To speak the truth and let it prevail about atrocities with regards to humanity has been heartwarming to see. Proud of our leader for leading from the front with integrity & speaking from the heart on part of us all— Shahid Afridi (@SAfridiOfficial) September 27, 2019

پاکستان کرکٹ ٹیم کے ایک اور سابق کپتان شعیب ملک نے ٹوئٹر پر اپنے پیغام میں کہا کہ اقوام متحدہ میں وزیراعظم عمران خان کی تقریر 1992 کے کرکٹ ورلڈکپ کی کامیابی کی طرح ہمیشہ یاد رہے گی۔

انہوں نے کہا کہ میں عمران خان کی کامیابیوں اور ریٹائرمنٹ کے بعد بھی پاکستان کرکٹ پر اس کے اثرات کی وجہ سے میں ان کی لیڈرشپ کو اہمیت دیتا ہوں۔

شعیب ملک نے مزید کہا کہ اقوام متحدہ میں پیش کردہ وزیراعظم عمران خان کے 4 نکاتی ایجنڈے پر ہم سب کو متحدہ ہونا چاہیے۔

I look up to Khan sb’s leadership because of his achievements and the strong impact he had on our cricket even long after he had retired. The UN speech today is a moment I will always remember iA, like 92. We must all be united under our PM’s 4 points #PakistanZindabad 🇵🇰💪🏼 pic.twitter.com/r1l5sahbYD— Shoaib Malik 🇵🇰 (@realshoaibmalik) September 27, 2019

آل راؤنڈر محمد حفیظ بھی اقوام متحدہ میں وزیراعظم عمران خان کی تقریر کے معترف ہوگئے اور کہا کہ عمران خان ایک بہادر، بے لوث اور نڈر شخصیت ہیں، ہمیں ان پر فخر ہے۔

Strong , Selfless & Fearless character @ImranKhanPTI , What a Leader U r ✊👍🏼🤲🏼 , I m a proud Pakistani & Proud Muslim to hav U as our #Leader #UNGA2019— Mohammad Hafeez (@MHafeez22) September 27, 2019

فاسٹ باؤلر وہاب ریاض نے اپنے ٹوئٹ میں وزیراعظم عمران خان کے جملے کو نقل کرتے ہوئے کہا کہ ‘دنیا سوا ارب کی مارکیٹ کو خوش کرے گی یا انسانیت کی جانب دیکھے گی۔‘

انہوں نے مزید کہا کہ بطور پاکستانی آج مجھے فخر ہے کہ ہمارے لیڈر نے دلیرانہ انداز میں عالمی برادری کے سامنے انسانیت کا مسئلہ اٹھایا۔

“Will the world community appease a market of 1.2bn or stand for justice and humanity?”
I’m a proud Pakistani today, whose leader raised such concerns so fearlessly on a global platform. #PakistanZindabad 🇵🇰— Wahab Riaz (@WahabViki) September 27, 2019

نوجوان فاسٹ باؤلر حسن علی نے اپنے پیغام میں کہا کہ آج وزیراعظم عمران خان نے ان کا سر فخر سے بلند کردیا۔

سماجی رابطے کی ویب سائٹ پر اپنے پیغام میں حسن علی کا کہنا تھا کہ انہیں خوشی ہے کہ پاکستان کو عمران خان جیسا عظیم لیڈر ملا ہے۔

@ImranKhanPTI 🐅 made us all proud. Proud that Pakistan is blessed with such a strong leader Alhamdulillah.#zindabadpakistan #UNGA2019 #ImranKhanVoiceOfKashmir #peaceforall pic.twitter.com/hzU8GJUWjT— Hassan Ali 🇵🇰 (@RealHa55an) September 28, 2019

Leave A Reply

Your email address will not be published.